• ×

03:02 صباحًا , الجمعة 29 مارس 2024

admincp
بواسطة  admincp

الله يبطل كيدهم قولوا آمين

زيادة حجم الخط مسح إنقاص حجم الخط
ياللي تساوون المره بالرجل وين
دليلكم ياطغمة المفتريني


أغواكم الشيطان منتم بدارين
عن طاعة الله والنبي مايليني


والله بيَن منهج الحق تبيين
لو أنكم بهدايته مهتديني


الحق واضح بس ماأنتم براضين
في محكم التنزيل ياجاهليني


وفي سنة المختار للمستفيدين
لاشك عن نهج النبي مبعديني

منهاجكم منهاج حزب الشياطين
مهوب منهاج الهدى واليقيني


تبون تضليل النساء وين إلى وين
تدعونهن على فعل كل شيني


دعوى أختلاط وفسق دعوى مريبين
ولامحرم ولاعفة المسلميني


ولاحشمة باللبس مثل الحشيمين
ولاحجابن يستر المستحيني


وربي ومرهن بالستر يامضلين
ومن التبرج عن نظر كل عيني


والله عطا كلن حقوقه بتقنين
وبيَن حقوق الكل للعارفيني


حق الولاية للرجل بالبراهين
مهيب للنسوان ياتايهيني


والله في القسمه فرق بين الأثنين
أعطى الذكر مثل المره مرتيني


والى نقص حكم الشهادة عن أثنين
عن الرجل منهن تبي شاهديني


وعن الجهاد برحمة الله معفين
والا الرجال بحكمه مكلفيني


ولافيه من بين الرسل والنبيين
نبيةٍ ولا رسولن بديني


هذا نموذج بالندا للمنادين
اللي نداهم للمنادا مهيني


ماقلت في ردى لقول المعادين
بقصد هضم حقوقهن يالفطيني


حقوقهن مهيب شرعة قوانين
فرضن من الله مانظنه ظنيني


يعاملن بالعطف واللطف واللين
والحب والتقدير ورفق وحنيني


والله رفع شان العفيفة عن الشين
وبيَن جزاه لطاعة الطايعيني


ودَون بفضله للمطيعات تدوين
من الكرامه غاية المكرميني


أم وزوجه وأخت والبنت ومنين
تروح روح الروح ياعارفيني


الأم تحت أقدامها للمطيعين
برحمة الله جنة الخالديني


تكبر ويكبر قدرها يالفهيمين
مكفولةٍ طول العمر والسنيني


يالمسلمه مكنَ لك الله تمكين
وأنزلك منزالن على ماتبيني


الله رفع قدرك على ماتريدين
ومكانتك على نسا العالميني


منتي بلعبة كوره في الميادين
القصد منها متعة اللاعبيني


ولا بضاعة بين بايع وشارين
يلهى بها البياع والمشتريني


يادرتن تقديرها بالملايين
مصيونة ماقلبتها اليديني


منهج خفافيش الظلام الخبيثين
اللي لأمر شيطانهم طايعيني


بالجهد لأفساد العفيفات ساعين
في دربهم خابوا مع الخايبيني


والأمر بالمعروف عيب المعيبين
يعيبهم والعيب فيهم يبيني


وناهين عن منكر عليهم غريبين
يرونهم من قاطعين السبيلي


وباكر يبون أعطاهم الله عمى العين
مراقص وملهى ورطن ورطيني


ونوادين تفتح ولهون ولاهين
الله ينكس راية المفسديني


في رايهم هذا هو المنهج الزين
على الملا بعلانهم معلنيني


يادولتن قامت على نصرت الدين
وياخادم البيتين سل السنيني


امَن قطعتوا راس الأفعى بسكين
ولاتراها وصمة بالجبيني


أرفع لبو متعب زبون المنادين
الى فعل بالفعل فعله يبيني


والله مايردع عن الغي غاوين
عن غيهم الا بضرب اليميني


الله يبطل كيدهم قولوا آمين
ويذلهم والله عليهم عويني


أمن تمسكنا بدينه مطيعين
والا النهايه سلة المهمليني


هذا تمام القول للمستجيبين
نبري به الذمه من الجاحديني


وصلاة ربي مادعوه المصلين
على نبيه سيد المرسليني


بواسطة : admincp
 12  0  3.1K


الترتيب بـ

الأحدث

الأقدم

الملائم

  • ماهر البواردي

    صح لسانك... ونعم ما قرأت.


    الله يبطل كيدهم قولوا آمين
    ويذلهم والله عليهم عويني



    اللهم آمين

    01-06-2014 01:54 مساءً

  • اريج

    صح لسانك

    01-06-2014 03:21 مساءً

  • اريج

    صح لسانك

    01-06-2014 03:21 مساءً

  • ابو حسين

    السلام عليكم . تسلم وصح لسانك

    آمين .

    01-06-2014 05:31 مساءً

  • ابو حسين

    السلام عليكم . تسلم وصح لسانك

    آمين .

    01-06-2014 05:31 مساءً

  • اريج

    صح لسانك

    01-06-2014 06:31 مساءً

  • جووولي

    صح لسانك يااحلا ابو في الدنيا عسى ربي يطول بعمرك ويخليك تاج على روسنا

    01-06-2014 09:27 مساءً

  • نوره

    صح لسانك وسلمت اناملك على هذه الأبيات ..
    الله ينكس راية المفسديني .. اللهم امين

    02-06-2014 11:14 صباحًا

  • نورة بنت فهد

    قصيدة رائعة ياشاعر شقراء الفذ
    بارك الله قلمك

    02-06-2014 11:27 صباحًا

  • فهد

    متع الله شاعرنا ابو احمد بموفور الصحة والعافية واطال في عمره على خير ،،، حمى الله الاسلام والمسلمين عامة والعفيفات خاصة من كيد دعاة التغريب .

    03-06-2014 07:11 صباحًا

  • عبدالله المديد

    آمين.... آمين... يارب

    تحية لك ولأهل شقراء من الزلفي ونيابة عن أهلها عبدالله المديد


    Twitter
    @almudid

    06-06-2014 11:08 صباحًا

  • مهندس/ابراهيم بن محمد ابوعباة

    صح لسانك وطاب فالك

    بورك فيك وفي عمرك وولدك ومن تحب


    محبك
    ابومعاذ

    09-06-2014 10:29 صباحًا

جديد المقالات

بواسطة : سعد بن فهد السنيدي

. (الوجهاء والأعيان) مصطلح شائع تتداوله الألسن...


بواسطة : عبدالله عبدالرحمن الغيهب

. اليوم ١٨ ديسمبر يوافق اليوم العالمي للغة...