"الحرف يبكي" مرثية الشيخ محمد المانع يرحمه الله

.

.

الحرف يبكي والكتب والكتابه
********** وايضاً الدفاتر والقلم والمحابر
‏والمدرسه والعلم معها غيابه
********** وطابور صبح المدرسه والعنابر
‏على فراق اللي كسته المهابه
********** مدير في كرسي وزير المنابر
‏من عقبه الكرسي بكى واعذابه
********** يذكر شهامة رجل دايم مثابر
‏اللي جلس عقبه وعقبه سرى به
********** ليله وفعله يم ذيك المعابر
‏طلابه اللي كنهم وسط غابه
********** يبون كرسي الإدارة مخابر
‏راحوا مثل طيف عبر أو سحابه
********** مرت وهلت من رذاذ المكابر
‏راح الحبيب اللي توشح حبابه
********** محمد المانع من ارجال أكابر
‏لا واسفابه راح لا واسفابه
********** رجل عرفنا عنه مؤمن وصابر
‏كلمة (نعم) قد حاشها في شبابه
********** بذيك السنين اللي بها الطيب خابر
‏بالمقبره والجمع صمت ومهابه
********** قلبت عيني بين صمت المقابر
‏وهلت دموعي يوم هلوا ترابه
********** وسط القبر والطرف يذرف معابر
‏دعوت ربي يكرمه في إيابه
********** ويسكنه جنات بها النهر عابر